"Adhoori Khushiyan" Sunne me kitna ajib lagta hai na lekin yahi hai jo bachpan se mere saath hai , aur ab in khushiyo ka kya fayda jab main marne hi wala hun , haa sahi suna main marne wala hun mere pas sirf 6 month hi hai apni adhuri khushiya pane ke liye , lekin main 6 mahino me kar hi kya sakta hun, is liye main har din sirf mout ke intezaar me gujaarta hain.
Ab meri adhuri jindgi me kuch raha hi nahi, abhi maine meri 10th clear ki hai aur 11th me gaye huwe 1 month ho chuke honge aur dosto ki baat kare to main agar ginna chahu to bhi nahi gin sakta kyu mere dost hai hi nahi. Waise ye koi nayi baat nahi hai mere kisi bhi class me koi dost nahi bana sabko main ajieeb lagta tha is liye ab aadat si hogayi hai akelapan ki.
Waise main chahta to hun ke kaash mere bhi dost hote jinke saath main bhi apni bachi hui jindgi gujar saku, aur vo khushiyan paa saku jiske liye main apni jindgi tarasta raha lekin kuch aisi bhi chize hai jise main pasand karta hun aur vo hai shanti mujhe shanti bahot pasand hai is liye main hamesha shant rahta hun jiski wajah se koi mujhe ghamandi to koi ajeeb samjhata isliye mujhe ab logo se fark nahi padhta.
Jab main 10th me gaya tha to mujhe ek ladki pasand to aayi thi lekin vo bhi ekdam ajeeb nikli, waise uska naam sari Riominas hai aur vo ek ameer ghar ki beti hai jiske karan vo kuch jyada hi bigdi hui hai. Uske dad ek business man hai isliye school us par kuch strict action nahi leta. [ ab ham school pahochne wale hai ] main apni class me jaakar apni bench par baith jata hun , usi wakt class me sari ki entry hoti hai waise vo school ke kapdo se thodi different rahti hai jaise hamare school ki uniform me ladko ko pant, shirt aur us par jacket hota hai aur ladkiyo ko skirt, shirt aur us par Jacket lekin sari ka tareeka thoda ajeeb hai jaise vo apne jacket ko kamar par bandh kar rakhti hai aur uske haatho me ek rumaal bandha hota hai, ye sab uske bigde hone ka sabut hai
Agar tumhe lagta hai ke main abhi bhi use pasand karta hun to tum galat ho kyuki mujhe aisi ladkiyo me jara bhi interest nahi hai.
Sari apni bench par aakar baith jati hai aur uske do dost bhi jo hamesha uske saath hote hai, uske dost me ek ladka hai aur ek ladki , ladke ka naam hai rymen aur ladki ka Zaney. Kuch der baad hamare classes bhi shuru ho gaye.
Classes khatam hone ke baad hamari lunch break hota hai yahan jyada se jyada log ek dusre ke saath khate hai , aur main is liye class ke bajeye musical room me khata hun, kyuki wahan se bahar ka nazara kafi khubsurat hota hai aur aur us class me koi aata jata bhi nahi reason musical class sirf Sunday ko open rahti hai jo interested ho vo aa sakta hai is liye main baki din yahi lunch karta hun ,khana khane ke baad main hand wash karne chala gaya jab main hand wash karke class ki aor jaa raha tha usi wakt mujhe science practical room se kuch girne ki aawas aai jab maine dekhne ke liye darwaza khola to samne sari aur uske kuch dost smoking kar rahe the vo mujhe dekh kar Shocked ho gaye, main already inke is behaviour ko janta hun is liye wahan se mu ghuma kar aur darwaza band kar ke class ki aor chala gaya.
Mujhe Piche se zorse darwaza kholne ki aawas aai maine piche dekha to sari bhagte huwe mere paas aa rahi thi, aur achanak se uska pair fisla aur vo mujh par girne hi wali thi tab maine use pakadne ka socha lekin Maine dekha mera haath uske chest par lagne hi wala tha jab maine mera haath hata liya aur khud bhi hat gaya sari ke samne se aur vo dham... se gir gayi,
Sari uthne ke baad ek dam Gusse se mujhe dekhne lag gayi fir bhi maine use koi reaction nahi diya aur jaane laga tabhi sari firse mere samne aayi aur mujhe gusse se kahne lagi,
Sari:- tumne mujhe kyu nahi bachaya ?
Me :- bhala main tumhe kyu bachane laga?
Sari puri tarah se gussa ho chuki thi lekin use ye bhi yaad tha ke Maine use smoke karte huwe dekha hai , sari fir kuch mann me sochne lagi
Sari:- [ mann me ] Agar isne mere Smoking karne wali baat principal ko bata di to papa tak ye baat pahoch jayegi aur papa ne aaj subah hi daanta hai ke Aage se college se koi shikayat nahi aana chahiye,
Sari ne fir mujhe kaha ke
Sari:- please, kya tum ye Smoking wali baat apne tak rakh sakte ho
Me :- lekin kyu tumhe to kisi se fark nahi padhta na , agar pata chal bhi gaya to kya
Sari :- please ye baat tum sirf apne tak rakhna,
Me :- waise bhi main kisi ko bata ne bhi nahi wala tha, kyuki mujhe kisi se matlab nahi ke vo kya kar rahe hai, thik hai to ab tum jao
Sari:- thank you nier
Me:- mera naam nier nahi hai
Sari :- achha sorry nifar
Me:- mera naam nifar bhi nahi hai
Sari:- to pakka near hoga
Me :- Mera naam Nieger hai, bye ( main waha se jaane laga kahte huwe)
Ham apne apne raste jaa hi rahe the usi wakt sari ne bina piche Mude kaha
Sari :- main jaanti hun tumne mujhe girne se kyu nahi bacha .
Waise agar tum bacha lete to jyada achha hota mujhe muh par lagti to nahi
Main ye baat sun kar shock ho gaya ke sari ko pata hai ke Maine use is liye nahi pakda warna mere haath me uska chest aaja ta lekin vo gussa nahi thi, fir hum apne class me chale gaye aur apni apni bench par baith gaye.
Kuch der baad maine gor kiya ke sari mujhe baar baar piche mud kar dekh rahi hai shayad use lagta hai ke main abhi bhi uski Smoking wali baat Teacher ya principal ko batane wala hun , ye ladkiya kitni ajeeb hoti hai.
Agle din jab main class me pahocha to Maine apni bench kuch packet me rakha huwa dekha jab maine vo packet khola to maine dekha usme ek chocolate thi aur ek thank you note, maine aas paas nazar ghumaya lekin udhar sari nahi thi iska matlab vo ise rakh kar jaa chuki thi kuch der baad jab class start hone wali thi jab sari apne dosto ke saath aayi , usne andar aate hi meri aor dekha aur meri bhi nazar uski aor gayi , jab meri nazar uski aankho me gayi to main kuch second ke liye use dekhta hi rah gaya , fir maine apne aap ko sambhalte huwe uski aor se nazar hata li , fir maine dekha ki sari samajh chuki thi ke main use hi dekh raha tha, fir sab apni bench par baith gaye aur classes start ho gayi.
Sari:- kya naam bataya tha usne , haa Nieger, mujhe usse is bare me baat karni hi hogi kyuki Mujhe aaj tak jisne bhi Smoking karte huwe dekha hai vo aaj mere saath hi Smoking karte hai aur kal main Nieger ko bahkane hi jaa rahi thi, jab main uski aor bhag kar jaa rahi thi to mujhe ek idea aaya ke main fisal ne ka natak karke uske upar gir jati hun , mujhe laga ke vo meri taraf ho jayega lekin vo to side ho gaya usne mujh par chance bhi nahi mara, jab mujhe pata chala ke vo baki logo ki tarah nahi hai vo meri baat shayad Ignore kar sakta hai isliye Maine aaj vo chocolate aur thank you note rakha tha lekin lagta hai usne use serious nahi liya , mujhe aaj hi final tareeke se usse puchna padega ke vo meri shikayat kisi na kare, haa ye thik hai main usse lunch time me hi puchungi, lekin ek second Maine use kabhi bhi class me lanch karte huwe dekha hi nahi vo kahi bahar lanch karta hai shayad koi alag class me uski koi girlfriend to nahi hai jahan vo uske saath lanch karta hai , aisa karti hun main uska lanch time me picha karungi aur agar uski koi girlfriend nikli to main badme use yah kahungi ke vo meri baat secret rakhe aur main uski baat Secret rakhungi, ha ye sahi rahega.
Me:- Achha hai abhi use ye to lagega ke ab main uska Secret ko Secret hi rakhunga , shayad ab vo mujhe pareshan nahi karegi.
Thode time baad lunch break hota hai main apna lunch lekar musical room ki taraf badta hun .
Sari:- oh Nieger abhi apna lunch lekar nikal raha hai abhi picha karne ka time sahi hai , usi wakt mere dost mujhe puchne lagte hai tum kaha ja rahi ho, main unhe washroom ka bahana bana kar wahan se nikal jati hun aur Nieger ke piche jaane lagti hun Maine dekha ke vo 4th floor par jaa raha hai Maine uska picha kiya aur dekha ke vo musical room me chala gaya , mujhe laga ke uski girl friend wahan wait kar rahi hogi jaise vo andar gaya main bhi darwaze ke bahar jaa kar khadi ho gayi take main un logo ki baat sun saku , lekin class se kuch aawaz aa hi nahi rahi thi , fir maine darwaza khol kar jhankne ki koshish ki lekin darwaza bahot jaam tha main jaise thoda force lagane lagi waise bhi Nieger ne darwaza khol diya aur main pakdi gayi.
Nieger tum sorry mujhe pata nahi tha ke is class me koi hai vo to main sirf yahan round lagane aayi thi, maine tumhe disturb to nahi kiya sorry, baad me milte hai, ye kah kar main jaane hi wali thi tabhi Nieger me kaha,
Me:- Ruko, mujhe laga hi tha ke koi mera picha kar raha hai kyuki 4th floor pe is time par koi nahi aata aur jab Maine darwaze ke niche kisi ki parchayi dekhi to samjh gaya ke koi to hai bahar , lekin main abhi bhi Shock hun ke tum yahan kya kar rahi ho, aur tumhe mera picha karne ki kya zarurat,
Sari :- ( harbadahat me ) maine kahan na main galti se aa gayi thi.
Me:- ab bata bhi do sari, kya kaam hai mujhse Jis wajah se tumhe mera picha karna pada.
Sari :- mujhe laga tumhari koi Girlfriend hai jiske saath tum roz lunch karte ho isliye Maine socha main ye baat jaan kar tumhe dhamki dungi ke tum meri baat Secret rakho aur main tumhari Girlfriend wali baat Secret rakhungi , bas isiliye maine tumhara picha kiya, aur koi baat nahi thi, I'm Sorry.
Nieger :- thik hai lekin Maine tumhe pahle bhi kaha hai na main tumhari shikayat kisi se nahi karunga, mujhe is chiz se koi matlab hi nahi .
Sari :- kyaa! Sahi me , tum pakka kisi ko nahi bolo ge thank you tumhe meri sari pareshani dur kardi.
Nieger:- lekin tumhe isse kya farak padhta hai agar Maine kisi ko ye baat bata di to, tumhari har harkate school me already famous hai isliye agar kisi ko pat chal bhi gaya to kya.
Sari:- ek problem ho jayegi, papa mujhe college se nikalwa denge. Unhone kal subah hi bola tha ke koi shikayat nahi aani chahiye college se , isliye mai nahi chahti koi meri complaint kare .
Nieger:- oh, thik hai.
Sari:- ab main chalti hun , ab tum enjoy karo.
Nieger:- ruko,
Sari:- hn, kya huwa
Nieger:- tum ne lunch kiya,
Sari:- nahi main college me lunch nahi karti,
Nieger:- tum chaho to mere saath lunch kar sakti ho,
Sari:- ( shock) hn,
Nieger:- are isme itna Shock hone wali konsi baat hai,
Sari:-( Smile ke saath) Tum ek ladki ko lunch ke liye puch rahe ho , to main Shock kyu na hun.
Nieger:- mera kuch galat matlab nahi tha , maine sirf ek Classmate hone ke hisaab se pucha.
Sari:- ( Baat to sahi hai warna itna achha ladka mujhe apna saath ke liye kyu puchega) thik hai, hum saath me lunch karenge.
Nieger:- haa, zarur.
[ Nieger aur Sari class me jaate hai ]
Sari:- wow! Ye class kitni achhi hai yahan kitne sare instrument hai . Achha Nieger tum yahan akele lunch kyu karte ho , maine dekha hai tumne class me kisi se dosti bhi nahi kiya.
Nieger:- Mujhe yahan sukoon milta hai, akele rahna meri aadat hai isliye mai dosti nahi karta. Aao lunch kare!
Sari:- haa,
Nieger aur sari lunch karne lagte hai, window ke side me table laga kar,
Sari:- Wow yahan par kitni achhi Hawa chal rahi hai, to tum isliye yahan lunch karte ho.
Nieger:- haa,
Nieger:- mann me [ Mujhe yakeen nahi hota main us ladki ke saath lunch kar raha hun jise main pahle pasand kiya karta tha, waise agar sari ko kareeb se dekha jaaye to aur bhi beautiful dikhti aur cute bhi , isliye iske saath lunch karna bahot badi baat hai , kaash main ise apni dil ki baat bata pata ]
Sari:- mann me [ Waise main ise sahi se to nahi jaanti lekin ye baki ladko se different hai , isse pahle maine kayi Friends ke saath lunch kiya hai unme ladke aur ladkiya dono hi shamil hai lekin jab aaj mai iske saath lunch kar rahi hun to mujhe alag feel aa raha hai , ye already kitna achha hai lekin fir bhi iska koi dost nahi, yakeen nahi hota, lekin kuch bhi bolo ye Handsome to hai hi aur caring bhi ]